Donald Trump ka nisur konferencën e tij ku po shpall tarifat e reja doganore ndaj shumë vendeve të botës, përfshirë dhe Bashkimin Europian.
Ai u prit me duarrokitje në Kopshtin e Trëndafilave në Shtëpinë e Bardhë, dhe falënderoi turmën për praninë e saj, duke filluar me thënien se do të ketë “lajme shumë të mira sot”.
Trump u shpreh se do vendosë taksën 25% për makinat e importuara në SHBA nga e gjithë bota me efekt të menjëhershëm.
“Tani është radha jonë që të përparojmë”, tha Trump.
“Kur bëhet fjalë për tregtinë, ndonjëherë “miku është më i keq se armiku. Mbi 80% e makinave të prodhuara në Korenë e Jugut shiten në Korenë e Jugut, dhe mbi 90% e makinave të shitura në Japoni janë prodhuar në Japoni, dhe se makinat e prodhuara në SHBA përfaqësojnë vetëm një pjesë të vogël në ato vende”, tha ai.
