Presidenti Donald Trump po shqyrton mundësinë e arritjes së marrëveshjeve me disa shtete për të pranuar emigrantët e dëbuar nga Shtetet e Bashkuara. “Wall Street Journal” shkruan se mes vendeve të cilave Trump u ka kërkuar të pranojnë të deportuarit është edhe Kosova.
Në listë janë edhe; Libia, Ruanda, Moldavia e Mongolia, që mund të pranojnë kërkesën në këmbim të marrëveshjeve financiare apo përfitimeve politike për ndihmën që do t’i ofrojnë Trump të përmbushë një prej prioriteteve kyçe.
“Administrata amerikane shpreson që këto shtete të bien dakord, ndoshta në këmbim të marrëveshjeve financiare apo përfitimeve politike. Ndër shtetet që SHBA ka kërkuar të pranojnë emigrantët e deportuar janë Libia, Ruanda, Benini, Eswatini, Moldavia, Mongolia dhe Kosova”, shkruan “Wall Street Journal”.
