Shefi i Organizimit në Partinë Demokratike, Klevi Balliu ishte në njësinë 14 të Tiranës, ku vuri u shpreh se me ardhjen në pushtet do të ndërtohen çerdhe, kopshte dhe shkolla.
Balliu bëri thirrje që me 11 maj të votojnë Aleancën për Shqipërinë Madhështore.
“Njësia 14 është lënë në harresë: asnjë çerdhe, kopësht apo shkollë. Edi Rama ka gjetur kohën të ndërtojë miliona metër katror ndërtime në Njësinë 14, duke e kthyer këtë zonë në një nga vendet më të betonizuara të kryeqytetit.
Garantojmë qytetarët e Njësisë 14 se me qeverinë e Partisë Demokratike kjo njësi do të trajtohet me dinjitetin që i takon. Jo vetëm do të ndërtohen çerdhe, kopshte dhe shkolla, por ulja e taksave për biznesin e vogël, ulja e taksave për qytetarët do të jenë gjithashtu një përfitim i madh për këtë zonë. Voto numrin 1, voto Aleancën për Shqipërinë Madhështore!”, thotë Balliu.
