Kreu i Partisë Demokratike Sali Berisha, ishte në një takim me grupin konservator në Asamblenë Parlamentare të Këshillit te Europës. Berisha u shpreh se Shqipëria është kthyer në një narkodiktaturë e drejtuar nga Edi Rama.
Ai tha se Edi Rama kërkon që të marrë mandatin e katërt duke arrestuar liderët e opozitës. Gjithashtu sipas tij paratë e drogës dhe krimit Rama po i përdor në zgjedhje.
“Kryeministri është duke shpërndarë dhurata për pensionistët, duke u dhënë 100 euro për çdo person, për të siguruar votën e tyre.
Janë mbi 700 shqiptar. Është një vendim i qeverisë për të siguruar bonus pensionesh për votë. Por janë edhe dhjetëra e qindra miliona euro të kanabisit që janë përdor për të blerë vota, e gjithashtu edhe kërcënimi i mafias ndaj njerëzve që të votojnë për ta.
Shqipëria është në një situatë të dëshpëruar.
Nga 2014-2023, 1 milionë e 99 mijë shqiptarë kanë lënë vendin duke ikur drejt zonës Shengen. Ekonomia dhe prodhimi industrial po bie.
Eksportet si pasojë e eurove të narkotrafikut është zhvleftësuar me 35% dhe eksportet kanë rënë me 32% dhe mijëra shqiptarë po humbin vendet e tyre të punës.
Një kryeministër që Europa nuk e ka parë kurrë, që drejton një shtet si diktator dhe një narkodiktator. Ju nuk e kuptoni dot se çfarë ndodh, prandaj dhe unë jam këtu që të ju tregoj të vërtetat e të ju siguroj se njerëzit nuk kanë zgjidhje tjetër, përveç se të luftojnë narkodiktarorin.
Jam i bindur se ai nuk do të ketë të ardhme. Narkoshteti nuk është i rrezikshëm, por është i rrezikshëm për të gjithë kontinentin e Europës dhe ju falënderoj për vëmendjen tuaj.”, tha Berisha.
