Presidentja e Kosovës, Vjosa Osmani ka zhvilluar një takim me të Ngarkuarën me Punë në Ambasadën amerikane në Prishtinë, Anu Prattipati.
Gjata takimit ata kanë diksutuar në lidhje me zhvillimet e fundit në vend përfshirë situatën e sigurisë në Kosovë dhe në rajon.
Osmani ka thënë se serbët e arrestuar në Gjakovë dhe në Prizren kishin ndërlidhje me strukturat e inteligjencës ushtarake serbe si dhe me anëtarë të grupit terrorist të Banjskës, sipas hetimeve fillestare.
Ajo ka theksuar se ky veprim është pjesë e një përpjekjeje të vazhdueshme nga Serbia për destabilizimin e Kosovës, përmes kërcënimeve dhe dhunës.
