Kreu i Lëvizjes Bashkë, Arlind Qori ka kritkuar qëndrimin dhe fjalimin e kryeministrit Edi Rama gjatë vizitës në Izrael lidhur me luftën në Gaza.
“Gjatë Luftës së Dytë Botërore shqiptarët shpëtuan jo vetëm hebrenjtë, por – sipas parimit “kush shpëton një jetë të pafajshme ka shpëtuar krejt njerëzimin” – shpëtuan edhe njerëzimin. Kësisoj edhe nderin tonë si popull.
Kryeministri i Republikës së Shqipërisë, gjatë vizitës në Izrael, na turpëroi duke mos thënë çerek fjale për dhjetëra mijëra viktimat e pafajshme në Gaza (sipas një artikulli të Reuters-it, mbi 15,000 palestinezë të vrarë janë nën 18 vjeç).
Shqipëria nuk mund ta ndreqë dot botën. Por populli shqiptar ka në dorë të shpëtojë nderin e vet” shkruan ai.
