Zv. presidentja e Partisë së Lirisë, Erisa Xhixho në rrjetin e saj social shprehet se ka ardhur koha që të jepet fund varfërisë. Xhixho thotë se me Paketën e Dhembshurisë dhe Revolucionin Fiskal do të ndërtohet një Shqipëri me dinjitet dhe mirëqenie.
“Më pak taksa, më shumë para në xhepat e qytetarëve! Le të ndërtojmë një Shqipëri ku çdo qytetar jeton me dinjitet dhe mirëqenie.
Ka ardhur koha t’i japim fund varfërisë, falimentimit të bizneseve të vogla dhe mungesës së shpresës.
Paketa e Dhembshurisë dhe Revolucioni Fiskal janë angazhime të qarta, të cilat vetëm Aleanca për Shqipërinë Madhështore mund t’i bëjë realitet.
1,200€ rroga mesatare
500€ paga minimale
200€ minimum jetik
Nuk do ketë pension me pak se 200€
Taksat lokale nuk do të kalojnë 1% të xhiros vjetore.”, shprehet Xhixho.
