Mbrëmjen e sotme në hapjen e fushatës së Partisë Demokratike ndodhej edhe ish deputeti Ervin Salianji, por jo fizikisht. Ai tha disa orë para çeljesh së fushatës që inkurajoi mbështetësit që të merrnin pjesë dhe tha “Eja, jam dhe unë në shesh”.
Mbështetësit dhe kandidatët për deputetë u shfaqën me bluza me emrin e Ervin Salianji.
Në çeljen e fushatës mori pjesë dhe strategu elektoral i Donald Trump, Chris LaCivita i cili u ngjit edhe në podium ku mbajti një fjalim. LaCivita tha se njësoj si në SHBA me Donald Trump, socialistët po tentojnë të burgosin edhe opozitën në Shqipëri. Gjithashtu bëri thirrje për të votuar Partinë Demokratike dhe Sali Berishën.
