Kryeministri Edi Rama ka ftuar shqiptarët që të votojnë për Partinë Socialiste në zgjedhjet e 11 majit, me qëllim futjen e Shqipërisë në Bashkimin Europian.
Ai u shpreh se Shqipëria dikur ka qenë si Azia dhe nuk kishte asnjë lidhje me Europën, teksa foli edhe për Skënderbeun, të cilin e quajti profetin e dërguar nga Zoti për shqiptarët. Për opozitën kishte disa fjalë.
“Mbase edhe këneta opozitare do të jetë tharë deri atëherë në 2030. Por këtë e ka në dorë pakica dhe jo shumica. Shqipëria 2030 do të jetë me një tjetër pozicion dhe tjetër fuqi.
Shtet anëtarë me liri, të drejta dhe mundësi që sot nuk i kemi akoma dhe që as nesër nuk mund t’i kemi pa u bërë pjesë e asaj familje” tha ai.
