Reperi Noizy sot performoi këngën e zyrtare të fushatës së Partisë Socaliste. Ai në rrjetin e tij social thotë se dikur familja e tij ishte me Partinë Demokratike por vetë ka kujtime dhe eksperienca të këqija.
“Shiko, po e them një herë e mirë se çfarë mendoj dhe besoj. Familja ime dikur ishte me PD. Mirëpo unë personalisht kam kujtime dhe eksperienca jo të këndshme nga ajo periudhë më kujton një rrëmujë, një errësirë dhe as nuk dua ta imagjinoj të jetoj asnjë ditë si ajo kohë. Me të thënë të drejtën, unë as nuk i shoh programet e partive. Sepse për mua, kushdo ta fitojë, unë prapë i njëjti jam dhe i njëjti do të mbetem: ai që fle i fundit dhe zgjohet i pari, ai që fle më pak se 5 orë gjumë gati çdo ditë, ai që shkon në punë pa orar, për të arritur atje ku asnjë artist rap shqiptar s’ka arritur kurrë.”, shprehet reperi.
Noizy thekson se vota e tij tani do të jetë për Partinë Socialiste pasi do ndryshimin dhe kjo sipas tij mund të vijë vetëm nga kryeministri Edi Rama.
“Deri tani, me të thënë të drejtën, s’ma mbush syrin askush përveç Ramës. Këta dy të rinjtë që dolën në protestë përballë bashkisë, ja nisën duke u kopur me grushta mes vete nuk u habita, të them të drejtën. E sa i përket këtyre të tjerëve, as që bëhet fjalë. Sepse unë dua ndryshim, por ndryshimi s’ka kuptim nëse s’ka përmirësim. Nuk e kemi luksin të rrimë në vend, e lëre më të shkojmë mbrapa. Kështu që, deri kur dikush të ma mbushë mendjen, unë votoj publikisht PS.”, thotë Noizy.
