Kreu i SPAK-ut, Altin Dumani sot në prezantimin e raportit vjetor para KLP-së nuk kritikoi vetëm policinë për përgjysmimin e denoncimeve, por edhe doganat me tatimet. Ai tha se nuk kanë bërë asnjë referim.
“Vlerësoj se ka rënë kriminaliteti dhe korrupsioni, kanë dhënë efekt procedimi dhe gjykimi por nuk mund ta mendoj, se Doganat dhe Tatimet të mos kenë një rast, pesë raste apo dhjetë raste për të mos referuar në SPAK.
Besoj se niveli i korrupsionit nuk është zero në tatime dhe dogana. Kjo është ajo që ne e prezantojmë në raport; e para pasqyrojmë realitetin, qëllimi nuk është për të kritikuar institucionet e tjera, qëllimi është për të nxitur institucionet.
Ne jemi të hapur për bashkëpunim me ta dhe jemi të hapur për rastet që do të referojnë” tha ai.
