Presidenti i Ukrainës, Volodymyr Zelensky i ka bërë thirrje Donald Trumpit që të vizitojë Ukrainën përpara çdo marrëveshjeje paqeje me Rusinë. “Ejani të shihni vetë civilët, luftëtarët, fëmijët e plagosur dhe të vdekur përpara se të vendosni për negociata” i tha ai.
Kjo deklaratë vjen pas sulmit të fundit rus në qytetin Sumy, ku 34 persona humbën jetën dhe 117 të tjerë u plagosën, përfshirë fëmijë. Rusia ende nuk ka dhënë një reagim zyrtar për këtë sulm.
Donald Trump e përshkroi ngjarjen si një “gjë të tmerrshme” dhe tha se “i ishte thënë se ndodhi një gabim”. Ndërkohë, përfaqësues të tjerë ndërkombëtarë e kanë cilësuar sulmin si krim lufte.
