Kreu i Partisë Demokratike Sali Berisha gjatë prezantimit të kandidatëve për deputetë në qarkun e Vlorës u shpreh se do ta shpëtojnë Shqipërinë nga e keqja. Berisha tha se Partia Demokratike u qëndroi pranë shqiptarëve dhe u bëri thirrje që të votojnë numrin 1.
“Demokratë dhe demokrate të Vlorës, PD është partia që u përpoqën ta shuanin nga faqja e dheut sepse qëndroi shqiptare, qëndroi partia e idealeve.
Pak muaj më parë menduan se i lanë duart me ne, por ja ku jemi sot të ngritur si feniksi, të pamposhtur, të sigurt në fitore. Ne jemi burrat dhe gratë që besojmë se i bëjmë të pamundurat të mundura dhe se Shqipërinë do e shpëtojmë nga e keqja që i ka rënë”, tha Berisha.
