Kryeministri Edi Rama gjatë takimit me të rinjtë në Kamëz ironizoi edhe opozitën. Rama tha se me 12 maj do të prezantojmë “Noc Rrokun” siç ai cilëson liderin e opozitës Sali Berisha.
“Prindërit tuaj nuk i imagjinonin kurrë shkollat që keni ju. A mund ta imagjinoni ju që ata që i lanë prindërit tuaj në kanale, që kur ishin ju të vegjël ju mbanin në krah se mos humbit në baltë, do t’ju bëjnë ju dhe do mbështesin Kamzën më shumë se ne?
Çështja nuk është te duan apo jo, çështja është a dinë apo s’dinë. Ata dinë vetëm “Noc Rrokun”, do ua prezantojmë më 12 maj të gjithë bashkë. Se më kanë dëgjuar mua që e përdor, dhe tashi ma përdorin mua, ne tant do u bëjmë një prezantim me Nocin.”, tha kryeministri.
