Kryeministri Edi Rama zhvilloi një takim me gratë dhe vajzat në Dibër. Rama u shpreh se në asnjë vend nuk humbasin asnjë deputet dhe sipas tij 74 mandate i ka të siguruara. Kryeministri tha se sikur në Dibër të marrin një mandat më shumë bëhen 75.
“Më 11 maj nuk është thjesht çështja të kemi një qeveri, ne qeverinë do ta kemi. “S’ka bo vaki 4 me 1 nga Burreli ne Peshkopi” është shumë, po 74 i kemi? I kemi. Në Dibër i kemi 2. Nuk kemi në asnjë vend ku mund të humbim një deputet. Një sikur të marrim më shumë këtu në Dibër u bënë 75. Nuk është çështja e qeverisë. Çështja është më e madhe se kaq. Çështja është e një shumice që duhet të bëhet bashkë për ti dhënë një shtysë të madhe negociatave për anëtarësimin në BE. E një shumicë që duhet bashkë për ti dhënë mundësi forcës qeverisë për të realizuar detyrat brenda dy viteve. Na kanë dhënë afat 2027 për të mbaruar negociatat, pa pasur nëpër këmbë lloj lloj pengesash të kota. Cështja është që në 12 maj Brukseli dhe të gjithi vendet anëtare të shohin që një popull u bashkua përtej ndasive politike dhe krijoi një shumicë për Shqipërinë në BE. Kjo është e rëndësishme.”, tha Rama.
