Kryeminsitri Edi Rama zhvilloi një takim me qytetarët në Kashar dhe u ndal te kandidimi i tij për deputet në Tiranë. Rama tha se është një mision i ri për të pasi ka parë ndryshime të jahstëzakonshme në Tiranë. Kryeministri theksoi se Tirana është bërë qyteti më i madh.
“Jam këtë herë deputet i Tiranës. Kjo është mision i ri për mua, për shkak të ndjekjes së fushatës, kam shkuar në shumë pjesë të Tiranës, kam parë ndryshime të jashtëzakonshme. Tirana është diçka krejt tjetër, nga ajo që ka qenë. Ky qytet ka potencial të jashtëzakonshëm për t’u bërë akoma më i mirë për pjesëzat e veta. Sot, ajo qendër, e vjetra, është shumë lart, qyteti është bërë më i madh. Qyteti ka edhe qendra të tjera, ku ka komunitete ku jetojnë. Është momenti për t’i dhënë hov tjetër dhe cilësi tjetër jete komuniteteve”, theksoi Rama.
