Kryeministri Edi Rama ka zhvilluar një takim me gratë dhe vajzat në Lezhë dhe u shpreh se në listën e mbyllur janë 56% gra. Rama tha që Partia Socialiste ka më shumë mbështetje nga gratë dhe pak nga burrat.
“Kemi 71 gra në skuadër në këtë vit. Në listën e mbyllur kemi 52 përqind gra. Gratë dhe vajzat janë vlerë e shtuar. PS sot ka mbështetje 56 përqind te gratë dhe më pak tek burrat. Por, as që më bëhet vonë, që burrat i kemi më pak në përqindje. Margaret Thatcher ka thënë se po deshe të bësh muhabet, bëje me burra, po deshe të mbarosh punë, bëje me gra. Mjerë ata burra që japin mend nëpër sallone të TV-ve dhe janë mërzitur pse iu thotë Rama gjysmës së burrave çyryk. Burrat e kanë pasur në dorë për kohë shumë të gjatë dhe nëse do ishin mirë, do ishte Shqipëria shumë përpara. Kush thotë jam me kënetën, e pranon vetë se është çyryk.”, tha Rama.
