Ditën e sotme në mjediset e qendrës së votimit nga jashtë pranë Parkut Olimpik në Tiranë u zhvillua një takim njohës mbi procesin.
Përfaqësuesit nga Misioni i Vëzhgimit të Zgjedhjeve të OSBE/ODIHR, kryesuar nga Ambasadori Lamberto Zanier u njohën nga afër me procedurat e pritjes dhe administrimit të zarfeve të votimit të zgjedhëseve nga jashtë vendit.
Gjithashtu u njohën edhe me masat e marra për të garantuar integritetin, transparencën dhe standardet profesionale të procesit.
Ambasadori Zanier vlerësoi otganizimin e qendrës, qartësinë procedurale dhe profesionalizmin e treguar nga stafi i KQZ-së në administrimin e këtij procesi historik.
