Kryeministri Edi Rama zhvilloi një takim me gratëd he vajzat në Gjirokastër. Rama u ndal tek turizmi dhe u shpreh se shumë shqiptarë janë rikthyer në atdhe. Kryeminsitri tha se edhe kandidati për deputet është kthyer dhe rri në Gjirokastër pasi familja ka bërë investime.
“Këta njerëz nuk e dinë fare dhe kur e shohin nuk duan ta shohin Shqipërinë që ndryshon çdo ditë. Dje erdha me Mirelën në Gjirokastër, që nuk jemi ende në sezon dhe Qafa e Pazarit ishte plot. Ndërkohë shtohen e shtohen dyert që hapen në këtë qytet, që kur morëm detyrën kishte 2-3 dyer ku mund të trokisje për të fjetur. Edhe ata përpëliteshin për mbijetesë se nuk kishin numër turistësh. Gjirokastra e mbylli vitin me 600 mijë turistë, në Libohovë kishte veç një kafene sot ka bujtina e bujtina që hapen. Të mos flasim për Tepelenën, njerëzit vinin për ndonjë ngushëllim, ndërsa ata që martoheshin
Kishim menduar ne të shihnim bionde suedeze duke bërë xhiro para Ali Pashës. Kjo Shqipëri është krejt tjetër. Kur thonë ’është i sëmurë populli se s’ka ujë’, ndërkohë e kundërta është e vërtetë. Ka fshatra që s’kanë pasur ujë, dhe sot kanë 24 orë.
Kandidati për deputet është kthyer dhe rri këtu në Gjirokastër, ku familja ka bërë një investim. Si i bëhet? Sepse realisht është një Shqipëri e ndarë, është si një tru i ndarë. Ndaj them unë që nga ana tjetër e trurit ka ujë kënete, se s’ka mundësi. Jam i bindur që nëse ju rrini me mua dhe unë rri me ju e flasim 3 ditë e 3 natë do thoni shumë gjëra që nuk shkojnë, patjetër.”, u shpreh Rama.
