Mesditën e sotme në zonën e Halkandrit u ekzekutua Georgios Moschouris, i njohur si “Thamnaki”, një nga figurat kryesore të mafies greke.
Ai u qëllua me kallashnikov nga persona të paidentifikuar, teksa po dilte nga një qendër private mjekësore. Disa nga plumbat e goditën në fytyrë dhe si pasojë ai humbi jetën.
Policia në vendngjarje gjeti shumë gëzhoja plumbash dhe zbuloi një makinë të djegur në zonën e Patimës, që dyshohet të jetë përdorur nga autorët për të kryer atentatin dhe për t’u larguar.
Moschouris nuk ishte i panjohur për autoritetet, pasi kishte mbijetuar një atentat më parë në vitin 2020 në Voula. Ndërkohë policia greke po heton në lidhje me krimin, për të zbuluar motivin dhe autorët.
