Këshilltari amerikan Phil Griffin mori pjesë së bashku me Berishën në fushatën elektorale në Tropojë. Ai tha se nuk ka parë kurrë një politikan si doktor Berisha, i cili lufton për ta kthyer shtetin nga narkotrafikantët dhe politikanët e korruptuar.
“Në SHBA socialistët u përpoqën të shkatërrojnë Trump me anë të sistemit ligjor, por Trump dhe populli amerikan nuk e lejuan. Këtu socialistët po provojnë të bëjnë të njëjtin marifet dhe jam këtu për tiu thënë se nuk do t’ia dalin mbanë. Doktor Berisha nuk do të ndalojë të luftojë për ju për ta kthyer shtetin nga narkotrafikantët dhe politikanët e korruptuar”, tha Griffin.
Ai shtoi se “Jam në politikë prej 40 vitesh, nuk kam parë kurrë një politikan që të punojë kaq fort sa Sali Berisha. Por ai nuk mund t’ia dalë vetëm. Tani është koha për ju të bëni pjesën tuaj. Duhet të flisni me familjen, me fqinjët dhe të afërmit tuaj të dalin të votojnë”.
