Kryeministri Edi Rama zhvilloi një takim me qytetarët në Shkodër dhe u ndal tek prodhimi i brendshëm bruto. Rama tha se prodhimi i brendshëm në Shqipëri ka qenë më pak se 10 miliardë dollarë dhe sot është më shumë sesa 25 miliardë euro. Kryeministri theksoi se projeksioni për 2030 është 35 miliardë.
“Këta dalin me ato kostumet dhe thionë që këtu nuk prodhohet asgjë, thonë disa gjëra gjysmë të vërteta dhe gënjeshtra ndërkohë që këtu.
Peodhimi i brendshëm në vend ka qenë më pak se 10 miliardë dollar, sot është më shumë se 25 miliardë euro prodhimi. Projeksioni për 2030 është 35 miliardë. Projeksionet tona nuk janë si përrallat e bufit apo partitë që vijnë vërdallë.
Ky projeksion është bërë nga ekspertët në bashkëpunim me ndërkombëtarët. Drejtpërdrejt me mua punon kryekonomisti I kancelares gjermane. Nuk mund të dalim si qeveri dhe të themi që do e bëjmë prodhimin e brendshëm kombëtar 50 miliardë. Negociatat janë një marrëveshje mes një shtëpie të pasurish dhe një vendi tjetër që duhet të kalojë check upin e kapaciteteve shtetërore.”, tha Rama.
