Prokuroria e Përgjithshme ka njoftuar në lidhje mbi kallëzimet dhe procedimet penale të regjistruara deri më 9 maj në kuadër të zgjedhjeve parlamentare.
Sipas njoftimit janë regjistruar 54 kallëzime për vepra penale që lidhen me procesin zgjedhor, ku 23 janë procedime penale në disa prej prokurorive të vendit.
27 procedime janë të kallëzuar nga policia e Shtetit, 9 nga SPAK, 7 nga subjektet politike dhe 2 nga qytetarët.
Gjithashtu këto kallëzime janë regjistruar 5 në Prokurorinë Fier, 3 në Prokurorinë Sarandë, 3 në Prokurorinë Durrës, 14 në Prokurorinë Tiranë, 2 në Prokurorinë Gjirokastër, 3 në Prokurorinë Kukës, 5 në Prokurorinë Lezhë, 9 në Prokurorinë Dibër, 2 në Prokurorinë Vlorë, 1 në Prokurorinë Korçë, 2 në Prokurorinë Shkodër dhe 5 në Prokurorinë Elbasan.
