Në Pogradec ka nisur shpërndarja e materialeve zgjedhore në KZAZ nr.70 në kuadër të zgjedhjeve që do të zhvillohen nesër.
Kryetari i KZAZ në Pogradec, Mandi Mekolli ka thënë se ky proces ka filluar prej orës 09:00 të mëngjesit dhe pritet të përfundojë brenda pak orësh.
Ndërsa komisionerët e qendrave të votimit janë paraqitur në selinë e KZAZ-së për të tërhequr materialet zgjedhore që do të shpërndahen në shtatë njësitë administrative të bashkisë Pogradec.
Këtë vit për herë të parë në procesin e votimit janë përfshirë edhe gratë që vuajnë dënimin në Institucionin e Vuajtjes së Dënimit në Pojskë.
