Drejtori i Përgjithshëm i Policisë së Shtetit, Ilir Proda ka dhënë porosi të gjithë punonjësve të policisë në lidhje me zhvillimin e zgjedhjeve ditën e nesërme. Proda i ka porositur që të veprojnë me maturi, gjakftohtësi për të përmbushur me sukeses këtë detyrë në interes të qytetarëve dhe vendit.
“Ju përgëzoj për përkushtimin dhe profesionalizmin e deritanishëm nga ana juaj dhe e drejtuesve tuaj, dhe ju inkurajoj që këto ditë finale të jenë pasaportë besimi dhe vlerësimi nga qytetarët dhe ndërkombëtarët për Policinë e Shtetit. Maturi, gjakftohtësi dhe ligji si udhërrëfyes, për ta përmbushur me sukses këtë detyrë të shenjtë në interes të qytetarëve dhe të vendit”, shprehet Proda.
Ndërkohë të gjithë punonjësit e policisë që janë angazhuar në procesin zgjedhor janë të pajisur me librin e xhepit ku janë detyrat që duhet të përmbushin ata.
