Një re toksike klori është përhapur mbi pjesë të Katalonjës pasi një zjarr i fuqishëm shpërtheu në një zonë magazinimi industrial që përmbante produkte kimike për pishina.
Zjarri shpërtheu në orët e para të mëngjesit në një zonë industriale në komunën Vilanova i la Geltrú, midis qyteteve Barcelonë dhe Tarragona.
Autoritetet kanë urdhëruar më shumë se 160,000 banorë të qëndrojnë brenda shtëpive të tyre. Sipas departamentit të zjarrfikësve, aktualisht nuk raportohet për të lënduar, por forcat e emergjencës janë të mobilizuara në terren për të mbajtur situatën nën kontroll.
