Sekretari i Shtetit, Marco Rubio ofroi ndërmjetësimin e SHBA-së në konfliktin në përshkallëzim midis Pakistanit dhe Indisë, ndërsa foli veçmas me homologët e tij në të dy vendet, sipas njoftimeve të Departamentit të Shtetit.
Rubio foli me Ministrin e Punëve të Jashtme të Indisë, Subrahmanyam Jaishankar, dhe zv.kryeministrin dhe Ministrin e Jashtëm të Pakistanit, Ishaq Dar. Ai theksoi se të dyja palët duhet të identifikojnë metoda për të ulur tensionet dhe për të rivendosur komunikimin e drejtpërdrejtë për të shmangur llogaritjet e gabuara.
Rubio foli gjithashtu më parë me shefin e ushtrisë pakistaneze Asim Munir, gjatë të cilit “vazhdoi t’u bënte thirrje të dyja palëve të gjenin mënyra” për të ulur tensionet.
Sekretari i shtetit ofroi ndihmën e SHBA-së për të ndërmjetësuar “me qëllim shmangien e konflikteve të ardhshme”.
