Prokuroria e Elbasanit ka njoftuar arrestimin e një 56-vjeçare, e cila akuzohet për shkeljen e fshehtësisë së votimit. Ngjarja ka ndodhur në një qendër votimi në qytetin e Elbasanit, ku nga Komisioni i Qendrës së Votimit u konstatuan fotografi të fletës së votimit të realizuara nga shtetasja.
Pas njoftimit të marrë, një grup hetimor u dërgua menjëherë në vendngjarje, ku u identifikua shtetasja e dyshuar, e cila u arrestua në flagrancë. Gjatë operacionit, është sekuestruar telefoni celular dhe janë administruar aktet përkatëse. Po ashtu, janë marrë deklarata nga personat që kishin dijeni për ngjarjen.
