Një tjetër incident ka ndodhur në qytetin e Pogradecit, pranë qendrës së votimit në shkollën “Muhamer dhe Esat Minarolli”. Sipas informacioneve të para, është shënuar një përplasje fizike në ambientet e jashtme të qendrës së votimit, ndërsa ende nuk dihen shkaqet e sakta dhe personat e përfshirë.
Forcat e policisë kanë mbërritur në vendngjarje për të hetuar dhe marrë masa lidhur me situatën. Aktualisht, nuk ka të dhëna të tjera për ndonjë ndikim në procesin e votimit në këtë qendër. Hetimet janë në zhvillim e sipër për të sqaruar rrethanat e incidentit.
