Komisioni Qendror i Zgjedhjeve ka përditësuar të dhënat e pjesëmarrjes së votimit të orës 18:00. Sipas KQZ deri në orën 18:00 kanë marrë pjesë në votime 40.94%. Ndërsa deri tani kanë votuar mbi 856776 zgjedhës në listën e qendrave të votimit të raportuara.
Qarku me numrin më të lartë të pjesëmarrësve është Dibra me 48.65% dhe më pas Tirana me 46.57%. Më pas vjen Kukësi me 45.71 %, Fieri me 40,88% dhe qarku i Elbasanit me 40.46%.
Gjithashtu edhe në qarkun e Korçës kanë votuar 40,17% e votuesve, më pas vjen qarku i Lezhës me 39,66%. Në qarkun e Beratit kanë votuar 38,04% e zgjedhësve, më pas renditet qarku i Durrësit me 38,83%.
Ndërsa tre qarqet me pjesëmarrjen më të ulët të votuesve në zgjedhje janë Gjirokastra me 36,88%, Shkodra me 36,10 si dhe qarku i Vlorës ku pjesëmarrja deri në orën 18:00 ishte 29,47% të zgjedhësve.
