Paraditja do të karakterizohet nga alternime të kthjellimeve dhe vranësirave të shpeshta në pjesën më të madhe të territorit. Në zonat veriore dhe në gjysmën lindore, vranësirat do të marrin zhvillim më të madh, duke sjellë rrebeshe të izoluara shiu.
Gjatë pasdites dhe orëve të mbrëmjes, pritet një dobësim i vranësirave, megjithatë reshjet e lehta do të mbeten prezente kryesisht në zonat lindore të vendit.
Temperaturat e ajrit do të pësojnë rënie në të dy vlerat ekstreme ditore, duke u luhatur nga 5°C në orët e para të mëngjesit deri në 26°C në mesditë, në shkallë vendi.
Era do të fryjë e lehtë përgjatë gjithë ditës, me shpejtësi deri në 25 km/h nga drejtimi perëndimor. Si rezultat, në brigjet detare pritet një dallgëzim i lehtë dhe pa ndikim të dukshëm.
