Procesi i numërimit të votave në qarkun e Gjirokastrës vijon, ndërsa deri tani janë përpunuar 110 nga 198 qendra votimi. Sipas rezultateve paraprake, Partia Socialiste e Shqipërisë (PS) ruan një avantazh të theksuar, duke marrë 13,238 vota, ose 63.99% të totalit të votave të numëruara.
Koalicioni Partia Demokratike – Aleanca për Shqipërinë Madhështore (PD-ASHM) renditet forcë e dytë me 5,843 vota, që përfaqësojnë 28.25% të mbështetjes elektorale në këtë fazë të numërimit.
Forcë e tretë del Nisma Shqipëria Bëhet (NISMA-SHB) me 659 vota (3.19%), ndërsa më pas vijnë Partia Mundësia me 288 vota (1.39%) dhe Lëvizja Bashkë me 193 vota (0.93%).
Koalicioni Djathtas për Zhvillim (DZH) – 0.32%
Lëvizja Atdheu (LA) – 0.15%
Partia Aleanca Kombëtare Shqiptare (AKSH) – 0.13%
Partia Aleanca Demokracia e Re (ADR) – 0.08%
