Ish deputeti i Partisë Demokratike, Dashnor Sula në një intervistë ka folur në lidhje me rezultatet e votave nga zgjedhjet e 11 majit.
Sula tha se Partia Demokratike duhet të kishte bërë koalicion me të gjitha partitë e opozitës në mënyrë që të maksimizonte votën. Ai nënvizoi se Partia Demokratike ia mbylli derën dhe se nuk e respektoi.
“PD duhej të kishte bërë koalicion me të gjitha partitë e opozitës në mënyrë që të maksimalizonte votën. Nuk mund të punoja sepse më thanë se isha i pavlerë dhe nuk na duhesh më. Nuk më konsideruan as në listë të mbyllur dhe as në atë të hapur. Si është ajo shprehja, “nuk marr as gru me zor dhe as burrë me zor”. Unë jam te dera, ta mbyllin derën, nuk mund të hyj dot. Partia nuk më respektoi”, tha Sula.
