Numërimi i votave preferenciale ka nisur në Tiranë, dhe deri tani janë numëruar 75 nga 1282 kuti. Partia Socialiste ka marrë 19 mandate, duke përfshirë shtatë deputetë nga lista e hapur, përveç 12 të tjerëve nga lista e mbyllur.
Në listën e hapur, Blendi Gonxhja është kandidati më i votuar, pasuar nga Fatmir Xhafaj dhe Erion Braçe. Po ashtu, edhe ministri i Brendshëm, Ervin Hoxha, Orlando Rakipi dhe Anila Denaj kanë siguruar vendet e para.
Nga ana tjetër, disa emra të njohur të PS-së si Pandeli Majko, Mimi Kodheli, Olta Xhaçka dhe Etilda Gjonaj, duket se do të mbesin jashtë listës fituese.
Partia Demokratike ka humbur një mandat, duke shënuar një rënie në 1 për listën e hapur, pasi Mundësia ka arritur të sigurojë një vend. Ilir Alimehmeti mbetet i pari në këtë listë, ndërkohë që disa figura si Jorida Tabaku, Ilir Meta dhe Shpëtim Idrizi nuk do të hyjnë në Parlament.
Në frontin e partive të vogla, Mundësia do të dërgojë Agron Shehajn dhe Erald Kaprin në Kuvend, ndërsa Nisma Shqipëria Bëhet do të ketë Adriatik Lapajn. Lëvizja Bashkë do të dërgojë Redi Muçin, ndërsa PSD-ja do të përfaqësohet nga Albana Pëllumbi.
