Një aksident i rëndë rrugor ka ndodhur në orët e para të mëngjesit të sotëm, më 14 maj në aksin “Shkalla e Tujanit–Zall Dajt”, ku përplasja mes një automjeti dhe një motomjeti ka përfunduar me dy viktima.
Rreth orës 02:30, makina i drejtuar nga O. C., 24 vjeç, dyshohet se është përplasur me një motor në të cilin ndodheshin B. H., 23 vjeç, dhe O. L., 18 vjeç.
Përplasja ka rezultuar fatale për të dy të rinjtë që ndodheshin në motomjet, të cilët kanë ndërruar jetë në vendngjarje si pasojë e plagëve të marra.
Policia ka mbërritur menjëherë në vendin e ngjarjes dhe po punon për të zbardhur rrethanat e plota të aksidentit.
Grupi hetimor ka nisur procedurat për përcaktimin e shkaqeve të aksidentit.
