Një tërmet me magnitudë 6.1 ballë të shkallës Rihter ka goditur ishullin e Kretës mëngjesin e sotëm, sipas informacionit të publikuar nga Instituti Gjeodinamik i Observatorit Kombëtar të Athinës.
Fatmirësisht, nuk ka pasur raportime për viktima ose dëme të rëndësishme. Tërmeti ndodhi në një thellësi prej 64.4 km, rreth 19 km në jug të ishullit të Kasos.
Shërbimet e emergjencës të Greqisë kanë lëshuar një paralajmërim paraprak për mundësinë e cunamit, duke u kërkuar banorëve të largohen nga zonat bregdetare për shkak të rrezikut. Lëkundjet e tërmetit janë ndjerë edhe në Izrael, jugperëndim të Turqisë dhe disa pjesë të Egjiptit.
Greqia, e cila ndodhet në një zonë me aktivitet sizmik të lartë, përjeton shpesh tërmete të tilla.
