Kreu i KQZ-së, Ilirjan Celibashi deklaroi se në KZAZ-në e Kasharit ka rinisur numërimi i votave pas incidentit që ka ndodhur ditën e sotme. Celibashi tha se numërimi ka nisur pa praninë e vëzhguesve, por vetëm medias.
“Numërimi ka rifilluar dhe do të akomodojmë cështjen e vëzhgimit nga subjektet. Janë në vlerësime dhe interesin e tyre nëse duan të jenë aty” tha ai.
Por cfarë ndodhi sot aty? Sekretari i KZAZ-së nga krahu i opozitës u godit nga Rei Nozlli që është shoqëruar në polici pas një përplasjes fizike.
Kandidati i PD-së, Grigels Muçollari deklaroi se shkaku i konfliktit ka qenë një votë e pavlefshme, e cila sipas tij ka nxitur debate brenda maxhorancës.
Pas ngjarjes, ai është shoqëruar në komisariat për t’u marrë në pyetje dhe për të sqaruar rrethanat e konfliktit.
Dyshohet se sherri ka ndodhur, për vota të kandidatëve preferencialë. PD thotë se Rei Nozlli është djali i një oficeri policie dhe se gjithçka ka ndodhur në krahun socialist.
