Në kuadër të Samitit të Komunitetit Politik Evropian që zhvillohet sot në Tiranë, Presidenti i Republikës, Bajram Begaj, do të zhvillojë një sërë takimesh të nivelit të lartë në ambientet e Presidencës. Kreu i Shtetit do të presë tre delegacione të rëndësishme, të kryesuara nga liderë të vendeve dhe organizatave ndërkombëtare.
Ora 10:30: Presidenti Begaj pret Kryeministrin e Mbretërisë së Bashkuar, Sh.T.Z. Keir Starmer, së bashku me delegacionin që e shoqëron.
Ora 12:00: Takim me Sekretarin e Përgjithshëm të OSBE-së, Sh.T.Z. Feridun Sinirlioğlu dhe delegacionin e tij.
Ora 15:30: Takim me Presidentin e Këshillit Evropian, Sh.T.Z. Antonio Costa, dhe delegacionin që e shoqëron.
