Kryeministri britanik Keir Starmer është pritur sot me ceremoni zyrtare në Tiranë nga homologu shqiptar Edi Rama, në kuadër të vizitës së tij të parë zyrtare në Shqipëri.
Rama e cilësoi këtë vizitë si një hap të rëndësishëm për forcimin e marrëdhënieve dypalëshe dhe bashkëpunimit strategjik mes dy vendeve.
Sipas agjencisë Reuters, Starmer pritet të shpallë masa konkrete për të ndaluar rikthimin e shtetasve shqiptarë të dëbuar nga Britania e Madhe, si dhe të forcojë luftën kundër pastrimit të parave.
Ai gjithashtu do të dhurojë pajisje për zbulimin e dokumenteve të falsifikuara dhe do të njoftojë zgjerimin e task-forcës së përbashkët për migracionin, duke përfshirë në të edhe Maqedoninë e Veriut dhe Malin e Zi.
