Kryeministri Edi Rama së bashku me presidentin e Francës Emmanuel Macron nënshkruan Memorandumin e mirëkuptimit ndërmjet Ministrisë së Turizmit dhe Mjedisit dhe Agjencisë Franceze për Zhvillim për krijimin e një projekti gjithëpërfshirës për turizmin e qëndrueshëm në rajonin e Korçës.
Rama dhe presidenti francez Emmanuel Macron po zhvillojnë një konferencë të përbashkët për shtyp. Rama gjatë fjalës së tij u shpreh krenar për marrëdhëniet Shqipëri-Francë.
“Është nder që në një kohë kaq të shkurtër presidenti i Francës viziton Shqipërinë. Kjo na jep shumë krenari dhe mirënjohje për këtë shtysë të fortë nga ana e Republikës së Francëz në marrëdhënie me Shqipërinë që kanë hyrë në një fazë të re dhe të panjohur më parë. Kemi bërë një bilanc të punëve të realizuara. Më vjen mirë që falë bashkëpunimit kemi krijuar rrugën për të sjellë ekselencën franceze në Shqipëri”, tha Rama.
