Ishulli Evia në Greqi është goditur nga disa tërmete që prej orëve të para të së dielës, duke shkaktuar shqetësim në mesin e banorëve dhe autoriteteve.
Si masë paraprake autoritetet vendosën mbylljen e shkollave në zonat Prokopi dhe Pili deri në përfundimin e inspektimeve të qëndrueshmërisë.
Tërmeti më i fortë i regjistruar ishte me magnitudë 4.3 të shkallës Rihter.
Dëme materiale janë raportuar në ndërtesa publike dhe banesa.
Sipas profesorit Efthimios Lekkas, tërmetet lidhen me një çarje gjeologjike të njohur për aktivitetin e saj periodik.
