Ngjarja ka ndodhur pas mesnate, më 20 maj 2025, rreth orës 00:50, në lagjen nr. 18 të Durrësit. E. D., 29 vjeç, është qëlluar me armë zjarri dhe, pavarësisht se u dërgua me urgjencë në spital, nuk arriti t’u mbijetojë plagëve.
Në vendngjarje mbërritën menjëherë shërbimet e Policisë, të cilat kanë nisur kërkimet për kapjen e autorit apo autorëve të kësaj vrasjeje.
Ndërkohë, është ngritur një grup i posaçëm hetimor, që po punon nën drejtimin e Prokurorisë së Durrësit, me qëllim zbardhjen e plotë të ngjarjes dhe identifikimin e autorëve.
Hetimet janë në vijim dhe pritet që në orët në vijim të ketë më shumë detaje.
