Kryeministri izraelit, Benjamin Netanyahu, ka deklaruar se Izraeli është i përgatitur të marrë kontrollin e plotë të Rripit të Gazës dhe të mposht Hamasin, duke theksuar se kjo është pjesë e një ofensive të re që ka nisur për të siguruar stabilitetin dhe sigurinë e Izraelit. Në një deklaratë të bërë për mediat pas pesë muajsh, ai ka shpalosur qëllimet e tij për luftën, duke përfshirë mundësinë e një armëpushimi të përkohshëm dhe një marrëveshje për lirimin e pengjeve.
Netanyahu tha: “Në fund të kësaj fushate, të gjitha territoret e Rripit të Gazës do të jenë nën kontrollin e sigurisë së Izraelit”. Ai shtoi se Izraeli është i përgatitur të përfundojë luftën “nën kushte të qarta që sigurojnë sigurinë e Izraelit”, përfshirë lirimin e të gjithë pengjeve izraelitë, dorëzimin e armëve nga Hamasi, dhe çarmatimin e plotë të zonës. Kryeministri gjithashtu u shpreh se banorët që duan të largohen nga Gaza do të mund ta bëjnë këtë, duke theksuar se ata që kërkojnë përfundimin e luftës para se të arrihen këto qëllime, janë duke mbështetur ruajtjen e pushtetit të Hamasit në Gaza.
