Një sulm me raketa nga forcat ruse goditi dje një poligon stërvitor të ushtrisë ukrainase në rajonin e Sumyt, duke shkaktuar vdekjen e gjashtë ushtarakëve dhe plagosjen e dhjetë të tjerëve, njoftoi Garda Kombëtare e Ukrainës.
Komandanti i njësisë është pezulluar ndërsa ka nisur një hetim i brendshëm për të sqaruar rrethanat dhe për të përcaktuar përgjegjësitë. Siç u shpreh Garda Kombëtare.
“Një hetim i brendshëm është në zhvillim për të hetuar rrethanat e ngjarjes dhe për të vlerësuar veprimet e të gjithë atyre që morën vendime në lidhje me incidentin.”
Nga ana tjetër, Ministria ruse e Mbrojtjes pretendon se nga sulmi kanë humbur jetën deri në 70 ushtarakë ukrainas, përfshirë 20 instruktorë.
