Mijëra njerëz protestuan në kryeqytetin e Belgjikës, Bruksel, kundër politikave të kursimit që do të ulnin shpenzimet sociale në vend.
Protestuesit mbajtën pankarta me mbishkrimet si “Sektori i kujdesit shëndetësor në rrezik”, “Solidaritet për kulturën, shëndetësinë dhe arsimin” dhe “Koha për të mbështetur sektorët jofitimprurës”.
Ata kërkojnë që qeveritë federale dhe rajonale në Belgjikë të ndajnë më shumë burime për fusha të tilla si shëndetësia, mbështetja sociale dhe kultura.
