Kreu i Komisionit Qendror të Zgjedhjeve, Ilirjan Celibashi, ka reaguar ndaj deklaratave të Sali Berishës, i cili akuzoi për manipulim zgjedhor në Elbasan me përdorimin e një “treni bullgar”.
Berisha kishte ngritur shqetësimin se ky tren ishte përdorur për të sjellë vota të manipuluara gjatë zgjedhjeve, ndërsa Celibashi theksoi se KQZ-ja nuk kishte dijeni për këtë ngjarje.
“Jo, nuk kemi dijeni, por ajo që mund të them pa hezitim është që rasti duhet të hetohet nga organet e procedimit penal për t’i dhënë përgjigje shqetësimit të paraqitur publikisht,” tha Celibashi.
