Pasditen e sotme në Bruksel u zhvillua konferenca e pestë Ndërqeveritare mes Shqipërisë dhe BE. Në këtë konferencë u hapën zyrtarisht grupkapitulli i tretë.
Ministri Igli Hasani i cili ishte i pranishëm shprehet se ky është një tregues i mirë që është arritur brenda një kohe të shkurtër.
“Një gurthemel i ri i hedhur me hapjen zyrtare të Grup-Kapitullit 3 – Konkurrueshmëria dhe Rritja Gjithëpërfshirëse – gjatë Konferencës së 5-të Ndërqeveritare të mbajtur në Bruksel. Hapja e 8 kapitujve të rinj sot reflekton progresin e bazuar në meritë të Shqipërisë dhe është një tregues i qartë se sa shumë kemi arritur brenda një kohe shumë të shkurtër.”, shprehet Hasani.
Ai nënvizon se rrugëtimi drejt Bashkimit Evropian nuk ka qenë ndonjëherë kaq i qartë apo më i vendosur.
