Kryetari i PD-së, Sali Berisha mesditën e sotme nisi denoncimet sipas tij me prova për manipulimin e zgjedhjeve të 11 Majit. Ai publikoi një rast në një fshat të Peqinit, ku sipas tij ka prova të listave të zgjedhësve dhe materiale të tjera zgjedhore.
“Pas një informacioni që deputeti i ardhshëm i Elbasanit, Blendi Himçi mori mbrëmë se në fshatin Pekisht në bar kafenë e kryeplakut të fshatit Dervish Ismaili, vëzhgues besnik i PS-së, ndodhen sasi e konsiderueshme materialesh votimi, fletë votimi, lista votimi dhe narko-euro.
Sikur keni parë ju në rastin e Kasharit, Astir dhe raste të tjera ku paralel me qendrat e votimit ishin ngritur zyrat e ‘trenit bullgar’ nga patronazhistët.
Kjo pra ishte një praktikë shumë e përhapur. Sot në mëngjes herët zoti Himçi shkoi në bar kafenë e Dervish Beqiri, hapi, hyri brenda dhe në vendin ku ishte informuar u gjet i gjithë materiali zgjedhor që do të paraqesim tani para jush” tha ai.
