Deputetët do ti rikthehen jetës parlamentare javën e ardhshme pas zgjedhjeve të 11 majit. Me 29 maj do zhvillohet seanca plenare në orën 12:00. Sipas kalendarit zyrtar puna parlamentare do të vijojë deri më 8 korrik.
Në Kuvend pritet të mbahen raportimet vjetore të gjitha institucioneve publike, nga ato kushtetuese e deri te agjencitë e pavarura.
Gjatë kësaj periudhe nuk do të shqyrtohen ligje të reja, pasi, sipas Kushtetutës është e ndaluar miratimi i ligjeve 60 ditë përpara se t’u mbarojë mandati deputetëve.
Ndërsa me 9 shtator do të mblidhet Kuvendi i ri ku në seancën e parë do të betohen deputetët e rinj, si dhe do të zgjidhet kryetari i ri i Kuvendit.
