Në Stamboll u mbajt sot takimi i Këshillit të Internacionales Socialiste, i organizuar nga Partia Republikane Popullore (CHP), partia kryesore opozitare e Turqisë. Në takim morën pjesë 89 parti nga 81 vende, përfshirë kryeministrin spanjoll dhe presidentin e Internacionales Socialiste, Pedro Sanchez.
Para fillimit të punimeve, u lexua një mesazh nga kryetari i burgosur i bashkisë së Stambollit, Ekrem Imamoglu, ndërsa pjesëmarrësit mbajtën pankartën “Lironi Imamoglun” dhe e shfaqën këtë mesazh në foton familjare.
Në fjalën e tij, nënkryetari i Internacionales Socialiste dhe kryetari i CHP-së, Özgür Özel, kritikoi heshtjen e disa miqve ndërsa theksoi nevojën për drejtësi në Turqi dhe mbështetjen për demokracinë, zgjidhjen e çështjes kurde dhe anëtarësimin e Turqisë në Bashkimin Evropian.
